Драўляная капліца (Барысаў)
Капліца | |
Драўляная капліца | |
---|---|
![]() Капліца ў 1944-1949 гадах | |
54°15′07″ пн. ш. 28°33′24″ у. д.HGЯO | |
Краіна |
![]() |
Вёска | Вуглы |
Канфесія | Каталіцтва |
Архітэктурны стыль | народнае дойлідства |
Першае згадванне | XVIII стагоддзе |
Дата пабудовы | пачатак XX стагоддзя |
Дата скасавання | 1961 |
Стан | знішчана |
Капліца — колішняя каталіцкая капліца, якая існавала на Кальварыйскіх могілках у вёсцы Вуглы, на паўночны ўсход ад Барысава.
Гісторыя
[правіць | правіць зыходнік]![](http://upload.wikimedia.org/wikipedia/commons/thumb/b/b5/Barysa%C5%AD%2C_Kalvaryja%2C_Kaplica._%D0%91%D0%B0%D1%80%D1%8B%D1%81%D0%B0%D1%9E%2C_%D0%9A%D0%B0%D0%BB%D1%8C%D0%B2%D0%B0%D1%80%D1%8B%D1%8F%2C_%D0%9A%D0%B0%D0%BF%D0%BB%D1%96%D1%86%D0%B0_%281914%29.jpg/180px-Barysa%C5%AD%2C_Kalvaryja%2C_Kaplica._%D0%91%D0%B0%D1%80%D1%8B%D1%81%D0%B0%D1%9E%2C_%D0%9A%D0%B0%D0%BB%D1%8C%D0%B2%D0%B0%D1%80%D1%8B%D1%8F%2C_%D0%9A%D0%B0%D0%BF%D0%BB%D1%96%D1%86%D0%B0_%281914%29.jpg)
![](http://upload.wikimedia.org/wikipedia/commons/thumb/f/f1/Barysa%C5%AD%2C_Kalvaryja%2C_Kaplica._%D0%91%D0%B0%D1%80%D1%8B%D1%81%D0%B0%D1%9E%2C_%D0%9A%D0%B0%D0%BB%D1%8C%D0%B2%D0%B0%D1%80%D1%8B%D1%8F%2C_%D0%9A%D0%B0%D0%BF%D0%BB%D1%96%D1%86%D0%B0_%28F._Ru%C5%A1%C4%8Dyc%2C_11.07.1899%29.jpg/180px-Barysa%C5%AD%2C_Kalvaryja%2C_Kaplica._%D0%91%D0%B0%D1%80%D1%8B%D1%81%D0%B0%D1%9E%2C_%D0%9A%D0%B0%D0%BB%D1%8C%D0%B2%D0%B0%D1%80%D1%8B%D1%8F%2C_%D0%9A%D0%B0%D0%BF%D0%BB%D1%96%D1%86%D0%B0_%28F._Ru%C5%A1%C4%8Dyc%2C_11.07.1899%29.jpg)
У XVIII стагоддзі была ўзведзена драўляная капліца ў стылі барока[1]. Замест яе ў пачатку XX стагоддзя была пабудавана новая драўляная капліца[2][3]. Паводле мясцовай легенды, яна ўзведзена панам на месцы, дзе яго сляпая дачка ўбачыла постаць Езуса[4].
У алтары капліцы знаходзілася цудатворная фігура Ісуса Хрыста — драўляная скульптура XIX стагоддзя. Пасля закрыцця касцёла Нараджэння Найсвяцейшай Дзевы Марыі ў капліцы на могілках знаходзіўся цэнтр барысаўскай каталіцкай парафіі[1].
Капліцу знішчылі ў 1950-я гады[5], паводле іншых звестак яна была разабраная ноччу вайскоўцамі ў 1961 годзе[4]. Але фігуру Езуса вернікі выратавалі і захавалі, і ў 1989 годзе яна была вернута ў адноўлены барысаўскі касцёл[1].
У 1995 годзе на месцы старой капліцы пабудавана новая з цэглы.
Архітэктура
[правіць | правіць зыходнік]![](http://upload.wikimedia.org/wikipedia/commons/thumb/b/be/Barysa%C5%AD%2C_Kalvaryja%2C_Kaplica._%D0%91%D0%B0%D1%80%D1%8B%D1%81%D0%B0%D1%9E%2C_%D0%9A%D0%B0%D0%BB%D1%8C%D0%B2%D0%B0%D1%80%D1%8B%D1%8F%2C_%D0%9A%D0%B0%D0%BF%D0%BB%D1%96%D1%86%D0%B0_%281944-49%29_%282%29.jpg/220px-Barysa%C5%AD%2C_Kalvaryja%2C_Kaplica._%D0%91%D0%B0%D1%80%D1%8B%D1%81%D0%B0%D1%9E%2C_%D0%9A%D0%B0%D0%BB%D1%8C%D0%B2%D0%B0%D1%80%D1%8B%D1%8F%2C_%D0%9A%D0%B0%D0%BF%D0%BB%D1%96%D1%86%D0%B0_%281944-49%29_%282%29.jpg)
Твор народнага дойлідства. Была вырашана прамавугольным зрубам пад стромкім двухсхільным гонтавым дахам з цыбулепадобным купалам на 2-ярусным 8-гранным барабане па цэнтры вільчыка. Над высокім трохвугольным франтонам фасада ўзвышалася каркасная сігнатурка-званічка. Над шырокім прамавугольным уваходам знаходзілася акно хораў. Прамавугольнымі, высока ўзнятымі аконнымі праёмамі расчлянёны і бакавыя, вертыкальна ашаляваныя фасады[3].
Зноскі
- ↑ а б в Каталіцкія святыні. Мінска-Магілёўская архідыяцэзія. Ч. 1. Будслаўскі, Вілейскі і Мінскі дэканаты. / Тэкст і фота А. Яроменкі. Уводзіны Ул. Трацэўскага, — Мн.: ВУП «Выд-ва „Про Хрысто“». — 2003. — 256 с. ISBN 985-6628-37-7. — С. 135
- ↑ Żyskar J. Nasze kościoły. Djecezja Mińska. Warszawa, 1912. S. 206.
- ↑ а б Капліца // Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — С. 386. — 488 с. — ISBN 978-985-11-0395-5.
- ↑ а б Памяць пра Віктара Шутовіча жыве ў Барысаве
- ↑ Капліца // Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — С. 30. — 488 с. — ISBN 978-985-11-0395-5.
Літаратура
[правіць | правіць зыходнік]- Капліца // Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — С. 386. — 488 с. — ISBN 978-985-11-0395-5.
- Żyskar J. Nasze kościoły. Djecezja Mińska. Warszawa, 1912. S. 206.